Байгуулагдсан цагаасаа эхлэн бие бялдар, сэтгэн бодох чадвар, урлагийн дугуйлангуудыг тогтмол хичээллүүлж байна. Сургалтыг дэмжиж хүүхдийг хөгжүүлэх үндсэн сургалтууд нь хүмүүжлийн ажлаар дэмжигдэн явагдана. Манай сургуульд одоогийн байдлаар 6 дугуйлан хичээллэж байгаа бөгөөд ирэх хичээлийн жилд дахин 6 төрлийн дугуйлан нэмэлтээр хичээллэхээр төлөвлөн ажиллаж байна. Дугуйлангийн багш нарын 90 хүртэл хувь нь сургуулийн багш нар. Дугуйлангийн багш нар маань мэргэжлийн өндөр ур чадвар, туршлагатай. Сургуулийн нийт сурагчид хүүхэд хөгжүүлэх сургалтууддаа үнэ төлбөргүй хамрагдах эрхтэй ба хичээлийн жилийн туршид дугуйлан сонгох эрх нь нээлттэй байдаг.