АЛСЫН ХАРАА

Хос хэлний өрсөлдөх чадвар бүхий сургалтын хүлээн зөвшөөрөгдсөн арга барил нэвтрүүлж, дэлхийн хэмжээнд Монгол улсыг илэрхийлэх зөв иргэнийг төлөвшүүлсэн сургах болно.

ҮНЭТ ЗҮЙЛС

Эх оронч үзэл санаатай, Дэлхийд хүлээн зөвшөөрөгдөхүйц сурагчдыг бэлтгэх бодит үр дүн
Багш, ажилчдын онцгой сэтгэл ханамж, ажлын өндөр бүтээмж
Сурагч, эцэг эхчүүд, багш ажилчдын сэтгэл ханамжаар дамжуулан өсөн дэвжих үйл ажиллагааг явуулах

Эх оронч, амьдрах ухаантай, дэлхийн хэмжээний өрсөлдөх чадвар бүхий зөв Монгол иргэнийг төлөвшүүлэн сургах үйл ажиллагааг хүүхдийн ирээдүйн төлөө чин сэтгэлээсээ санаа тавьдаг, үлгэрлэн манлайлагч, чадварлаг боловсон хүчнээр дамжуулан зохион байгуулах замаар эх орныхоо хөгжил цэцэглэлтэд бодит хувь нэмэр оруулна.

БАРИМТЛАХ ЗАРЧИМ

Алдаа бол амжилтын түлхүүр, түүнд бүтээлчээр анхаарч ямагт цаг алдалгүй зас.
Мэдлэг хөгжлийн гарц, амьдралын чанарын баталгаа тул алхам тутамд суралц.
Асуудалд шийдэлтэй хандаж, бүтээлчээр даван туул.
Сэтгэл, зүтгэл үйлдлээр илэрч байж үр дүнгээ өгдөг.

Сургуулийн тухай

Ерөнхий боловсролын Күнз сургууль нь 2018 оны 4 сард байгуулагдсан бөгөөд 4 дэх жилдээ сургалт хүмүүжлийн үйл ажиллагаагаа амжилттай явуулж байна. 2020-2021 оны хичээлийн жилд манай сургууль 140 сурагч, 20 гаруй багш ажилтантайгаар Монгол улсын хэмжээнд хэрэгжиж буй цөм хөтөлбөр болон Хятад хэл, Англи хэлний тусгай хөтөлбөрөөр хичээллэж байна. Бид дэлхийд өрсөлдөх Монгол иргэдийг бэлтгэх уриан дор зөв Монгол хүнийг хүмүүжүүлэн сургах, тэдний авьяасыг нээн хөгжүүлэх, амьдрах ухаантай, бүтээлч сэтгэлгээтэй, Хятад, Англи хос хэлний өндөр мэдлэгтэй иргэдийг бэлтгэн гаргах үндэсний чадварлаг Монгол багш нар болон БНХАУ-ын мэргэжилтэн багш нараар багаа бүрдүүлэн ажиллаж байна.